| 接到一個新project. 今次唔係dell, 變左做西門子，聽講話好服侍d wor，信著先啦。最衰舊project仲拖著條尾未清，希望唔好等我忙緊新project先黎爆獲。 呢條友真係快到離哂譜http://youtube.com/watch?v=jwC544Z37qo .......睇清楚個計時，條片無用快拍..... |
| |
| 上兩次有人陪，終於要自己上去了。上邊五日時間，連續四晚都過左十二點才下班。星期二晚ricky同eric都有issue未解決，作為同事應該互相支持(換轉係自己都希望有人陪下)，加上太晚酒店無車接送，自己一個人行返去又唔係咁安全，所以一邊等一邊對下d AI/SMD，為之後幾日做好工夫，成十二點幾先一齊行返酒店。星期三ricky上大問題，成個人變得超緊張，成十一點仲跑去倉度搵料，要出動到管倉果個老板黎招呼佢。十二點佢問我地係唔係應該留返聽日先繼續做，我費事俾壓力佢，由佢自己決定。結果佢決定繼續做，又做到成十二點半。第三晚部機終於出爐，輪到我忙了，輪到ricky等返我，又係十二點幾。星期五晚ricky部機前兩日解決左的問題又復發，而我則一邊等佢一邊做自己d測試。到一點鐘，我決定不能再等了，自己部幾d野都係聽日先搞啦，佢唔走我就自己走，這樣下去不是辨法。叫carson打去酒店度，叫酒店call架的士返黎，ricky先肯跟著走。我平時夜瞓無乜所謂，carson同yuli每晚都陪我地陪到十二點，我地唔駛瞓佢地都要瞓吧，加上佢地仲要七點返工，我地遲d返黎都無人會話我地，carson佢地都又一定唔肯丟低我地自己走先。不過話說回來，當自己想到一個解決辨法時，又真係好難放低d野走的。 |
| |
| 兩個月前約左的都要推埋一邊，想來應該係個好緊要的聚會。不過問到我"做乜黎呢度"的話，老實講我唔識答。出黎型一型，用幾分鐘介紹下班籌委，講完就即閃，你又"做乜黎呢度"？查左一節詩篇，唱左幾隻歌，同個camp有關的卻隻字不提。缺席的缺席，早走的早走，一點都沒準備好的樣子。要約的話就約個你地都得的日子啦。如果唔係要彈結他的話，真係走左無咁嬲。 |
| |
| 崇拜分享時突然電話響，竟然係老板打黎，我同佢講唔方便講，話一點後再傾，收左佢綫。前幾日佢問我星期日下午有冇野做，星期日朝咁急打黎，都故佢係搵我上去開line，所以崇拜完左之後都心大心細複唔複佢好。食野果陣搵左阿joe，約好星期一朝早上水站等，就決定咗唔再理老板個電話，今日點都唔可以自己一個人上去咁陰弓。 不過佢都唔搵返我。 直到夜晚十點，個電話又響了。果一刻我已經感覺到係佢黎。睇清楚來電顯示果然係。不過已經十點幾，過左危險時期，接左都無乜所謂。佢同我講今次上到去要識下廠度d人，下次可能要自己一個上去，到時要求救都知到搵邊個。電話裏主要都是交帶上到去要做的事，不過我總是覺得，早上那個電話，如果我同佢講落去的話，佢講的可能會變成「你現在上去開line啦，上面pcb好似出咗d問提喎、、、」所以說，崇拜時候唔應該講電話，這話是不錯的。 好在最終都唔駛自己一個上去。 佢似乎講過話會在上面留一天多的，唔知係真的定係佢随口講的呢？都係要聽朝日去到廠度先知lu。 |
| |